Höfundur: admoALSs4L9

Góðvild styrktarsjóður styrkti gerð þessa myndbands. Kærar þakkir fyrir

Fimmtudaginn 20. febrúar 2020 verður opið hús milli 17 og 19 í Arnarskóla fyrir foreldra sem vilja kynna sér starfsemina fyrir komandi skólaár.

Arnarskóli er á Kópavogsbraut 5 b og c
Viðburðurinn á Facebook

Arnarskóli verður lokaður föstudaginn 14. febrúar 2020 vegna rauðrar veður viðvörunar.
https://www.kopavogur.is/is/frettir-tilkynningar/raud-vidvorun

Arnarskóli will be closed on Friday the 14th of February 2020 due to red weather warning.

Nú um áramótin lét Ída Jensdóttir fjármálastjóri og einn af stofnendum Arnarskóla af störfum hjá okkur. Ída var með okkur frá fyrsta degi og átti stóran þátt í því að koma skólanum af stað. Við viljum þakka henni fyrir drifkraftinn og samstarfið síðustu ár og óskum henni alls hins besta í framtíðinni.

Viðtal við Steinunni Hafsteinsdóttur fagstjóra og einn stofnanda Arnarskóla í fréttum Stöðvar 2 þann 9. nóvember 2019

Hér er hægt að horfa á fréttina

Þann 20. september síðastliðinn var birt viðtal við Atla og Maríu í Morgunblaðinu um Arnarskóla. Viðtalið má lesa hér .

Úr viðtalinu: „Arn­ar­skóli hef­ur sér­stöðu í ís­lensku skóla­kerfi. Skól­inn er sjálf­stætt starf­andi og nem­end­ur skól­ans fá ein­stak­lings­miðaða heild­stæða þjón­ustu þar sem hver nem­andi er með mann­eskju með sér á meðan hann er í skól­an­um. Þegar skól­inn hóf starf­semi fyr­ir tveim­ur árum voru nem­end­urn­ir tveir. Í dag eru nem­end­ur Arn­ar­skóla orðnir 17 og starfs­menn­irn­ir eru 36 tals­ins. „

Það er starfsemi í skólanum alla virka daga á ári. „Við tökum ekki jólarfí, páskafrí eða sumarfrí, við erum alltaf með opið,“ segir Atli. „Það er svo foreldranna að ákveða hversu mikið sumarfrí nemendurnir taka eða hvort þeir taka sumarfrí, því að sumir okkar nemenda hafa litla færni til að hafa ofan af fyrir sjálfum sér og þurfa stuðning í því og þessi löngu frí reynast þeim erfið.“

Atli Magnússon, viðtal við Samfélagið í nærmynd 2. september 2019

Hér er hægt að hlusta á viðtalið við Atla í Samfélaginu í Nærmynd sem tekið var við hann 2. september 2019

Fyrir nákvæmlega tveimur árum hófum við starfsemi með tvo nemendur. Í dag eru nemendur Arnarskóla orðnir 17 og starfsmennirnir orðnir 36. Takk þið öll sem hafið starfað með okkur og hjálpað okkur, nemendur, starfsmenn, foreldrar og fjölskyldur nemenda, samstarfsaðilar, styrktaraðilar og fjölskyldur okkar. Þetta hefði alls ekki tekist nema af því að það er til svo mikið af góðu fólki.

Til hamingju með daginn.

Nú í haust vantar okkur viðbót í okkar frábæra starfsmannahóp þar sem við erum að fara að taka á móti nýjum nemendum. Hér getur þú sótt um.