admoALSs4L9

Fjáröflun

Þessa dagana stendur yfir söfnun fyrir Arnarskóla. Hópur fólks er að hringja út fyrir skólann og safna framlögum. Við stöndum í kostnaðarsömum breytingum á húsnæðinu til að geta tekið við fleiri nemendum sem og að bæta aðstöðu okkar svo við getum komið betur til móts við þarfir allra nemenda okkar. 
Við viljum þakka öllum sem hafa styrkt okkur og vonum að þeir sem eiga eftir að fá símtal sjái sér fært að leggja okkur lið.

ÞEIM SEM VILJA STYRKJA STARFSEMINA MEÐ FJÁRFRAMLÖGUM ER BENT Á EFTIRFARANDI REIKNING:

0133-26-049051. KENNITALA 490517-1380

admoALSs4L9

Viðtal við Morgunblaðið

Þann 20. september síðastliðinn var birt viðtal við Atla og Maríu í Morgunblaðinu um Arnarskóla. Viðtalið má lesa hér .

Úr viðtalinu: „Arn­ar­skóli hef­ur sér­stöðu í ís­lensku skóla­kerfi. Skól­inn er sjálf­stætt starf­andi og nem­end­ur skól­ans fá ein­stak­lings­miðaða heild­stæða þjón­ustu þar sem hver nem­andi er með mann­eskju með sér á meðan hann er í skól­an­um. Þegar skól­inn hóf starf­semi fyr­ir tveim­ur árum voru nem­end­urn­ir tveir. Í dag eru nem­end­ur Arn­ar­skóla orðnir 17 og starfs­menn­irn­ir eru 36 tals­ins. „

admoALSs4L9

Viðtal við Atla í Samfélaginu í nærmynd 2. september 2019


Það er starfsemi í skólanum alla virka daga á ári. „Við tökum ekki jólarfí, páskafrí eða sumarfrí, við erum alltaf með opið,“ segir Atli. „Það er svo foreldranna að ákveða hversu mikið sumarfrí nemendurnir taka eða hvort þeir taka sumarfrí, því að sumir okkar nemenda hafa litla færni til að hafa ofan af fyrir sjálfum sér og þurfa stuðning í því og þessi löngu frí reynast þeim erfið.“

Atli Magnússon, viðtal við Samfélagið í nærmynd 2. september 2019

Hér er hægt að hlusta á viðtalið við Atla í Samfélaginu í Nærmynd sem tekið var við hann 2. september 2019

admoALSs4L9

Arnarskóli 2ja ára

Fyrir nákvæmlega tveimur árum hófum við starfsemi með tvo nemendur. Í dag eru nemendur Arnarskóla orðnir 17 og starfsmennirnir orðnir 36. Takk þið öll sem hafið starfað með okkur og hjálpað okkur, nemendur, starfsmenn, foreldrar og fjölskyldur nemenda, samstarfsaðilar, styrktaraðilar og fjölskyldur okkar. Þetta hefði alls ekki tekist nema af því að það er til svo mikið af góðu fólki.

Til hamingju með daginn.

admoALSs4L9

Styrkur frá Oddfellow

Það var mikil gleðistund fimmtudaginn 2. maí þegar Oddfellowstúkurnar Þórsteinn (nr.5), Þorgeir (nr.11) og Baldur (nr.20) buðu okkur til sín á afmælisfund og afhentu okkur styrk að upphæð 3.000.000 kr. Peningurinn verður nýttur til að byrja að breyta húsnæðinu fyrir núverandi nemendur og til að geta tekið á móti þeim sem hafa óskað eftir að koma í Arnarskóla. Það er okkur ómetanlegt að fá svona styrk og kunnum við þeim okkar bestu þakkir fyrir.

admoALSs4L9

Flutningar og laus störf

Næsti mánuður verður viðburðarríkur hjá okkur, þá munum við flytja í nýtt 385 fermetra húsnæði og því getum við bætt við okkur nemendum og starfsfólki. Við munum flytja á Kópavogsbraut 5c. Mjög stutt í almenningssamgöngur, sundlaugar og verslanir og dásamlegt útivistarsvæði.